Definición de "UNIDADE FAMILIAR" na normativa do IRPF

Unidade Familiar

A efectos do IRPF, existen dúas modalidades de unidade familiar, a saber:
En caso de matrimonio (modalidade 1ª):
A integrada polos cónxuxes non separados legalmente e, se os houbese:

1. Os fillos menores, con excepción dos que, co consentimento dos pais, vivan independentemente destes.
2. Os fillos maiores de idade incapacitados xudicialmente suxeitos a patria potestade prorrogada ou rehabilitada.

A maioría de idade alcánzase aos 18 anos.
En defecto de matrimonio ou nos casos de separación legal (modalidade 2ª):
A formada polo pai ou a nai e a totalidade dos fillos que convivan con un ou outra e reúnan os requisitos sinalados para a modalidade 1ª anterior.
Da regulación legal, a efectos fiscais, das modalidades de unidade familiar, poden extraerse as seguintes conclusións:

• Calquera outra agrupación familiar, distinta das anteriores, non constitúe unidade familiar para os efectos do IRPF.
• Ninguén poderá formar parte de dúas unidades familiares ao mesmo tempo.
• A determinación dos membros da unidade familiar realizarase atendendo á situación existente o día 31 de decembro cada ano.

Así pois, se un fillo cumprise 18 anos durante o ano, xa non formará parte da unidade familiar nese período impositivo.